У дзень нараджэння актывістку кампаніі "Наш дом" выклікалі на допыт
Такі "падарунак" магілеўчанцы Марыі Вайновай зрабіў Першамайскі РАЎС Мінска. Сёння ёй споўнілася 18 гадоў.
Дапытвалі Марыю, актывістку грамадзянскай кампаніі "Наш дом", як сведку па справе аб "масавых беспарадках". 19 снежня яна была затрыманая на Плошчы, але адпушчаная, як непаўлетняя.
"Допыт прайшоў добра. Следчы задаваў пытанні пра мітынг 19 снежня, пра чалавека, які крычаў "Беларусы, сюды!" і біў шкло. Я распавяла ўсё, што ведала", — распавяла Вайнова БелаПАН.
