У фотарэпартажы БЕЛТА з адкрыцця помніка Касцюшку няма сцягоў. Ніякіх

У фотарэпартажы БЕЛТА з адкрыцця каля Косава ў Івацэвіцкім раёне помніка Тадэвушу Касцюшку каля дома-музея нацыянальнага героя Беларусі, Польшчы і ЗША няма сцягоў. Ніякіх. 14 траўня яны таксама не з'явіліся.

Ва ўрачыстасці, якая адбылася 12 траўня, удзельнічалі сотні людзей, яны трымалі дзясятак бел-чырвона-белых сцягоў і два чырвона-зялёныя. Яны былі побач, магчыма, з-за гэтага фотаздымкі дзяржаўнага агенцтва засталіся без сімволікі.

Як вядома, усталяванне помніка Касцюшку — грамадская акцыя, збор грошай быў арганізаваны Глебам Лабадзенкам. Ва ўрачыстасці ўдзельнічалі і прадстаўнікі мясцовых уладаў.