У Германіі могуць прайсці датэрміновыя выбары
Берлін / unsplash.com
Ужо праз два месяцы ў Германіі могуць прайсці датэрміновыя выбары. Лідар партыі ХДС Фрыдрых Мерц, якая цяпер у апазіцыі, патрабуе ад канцлера Олафа Шольца правесці выбары ўжо ў студзені, да інаўгурацыі Дональда Трампа.
Згодна з апытаннямі, рэйтынгі цяперашняй кааліцыі нізкія, і ХДС можа ўпэўнена вярнуцца да ўлады. Тады Мерц стане канцлерам.
Мерц займае прынцыповую пазіцыю па падтрымцы беларускіх дэмакратычных сіл і некалькі тыдняў таму сустракаўся са Святланай Ціханоўскай. Акрамя таго, ён паслядоўна заклікае да большай падтрымкі Украіны ў вайне і крытыкаваў канцлера Шольца за павольныя і недастатковыя пастаўкі зброі.
