У Гомелі лесавоз перакуліў бярвёны на прыпаркаваныя аўтамабілі
У Навабеліцкім раёне Гомеля удзельнікам ДТЗ стаў лесавоз, піша tut.by.
Аварыя адбылася насупраць прахадной фанерны-запалкавага камбіната. Там перакуліўся прычэп лесавоза, і бярвёны вываліліся проста на прыпаркаваныя аўтамабілі.
У Гомельскай абласной Дзяржаўтаінспекцыі кажуць, што прыкладна апоўдні лесавоз ехаў па вуліцы Севастопальскай. Пры павароце прычэп аўтамабіля перакуліўся, бярвёны апынуліся на праезнай частцы, пашкодзіўшы два аўтамабілі. На шчасце, людзі пры здарэнні не пацярпелі.
