У Гродна з'ехаліся сярэднявечныя рыцары (фота)
3 траўня там прайшоў 14-ы міжнародны фестываль славянскіх баявых мастацтваў, прысвечаны Дню Перамогі.
На мерапрыемства з'ехаліся прадстаўнікі дзясяткаў спартыўных і рыцарскіх клубаў з Беларусі і Расіі. Усе турніры прайшлі ў цэнтральным парку імя Жылібера, дзе была створана атмасфера сярэднявечча.
На фестывалі прайшлі спаборніцтвы рыцараў і лучнікаў, турнір па гістарычным фехтаванні, бой "сценка на сценку" і рукапашныя сутычкі. Таксама гледачоў парадавалі этнічнай музыкай і сярэднявечнымі танцамі.
