У Гродне адпрацоўвалі адбіццё нападу ўзброенай групы на вайсковую часць
"Дыверсанты" рыхтуюцца да нападу / t.me/zapadny_rubesz/
У Гродне адпрацоўвалі адбіццё нападу ўзброенай групы на вайсковую часць. Вучэнні прайшлі ў 6-й асобнай гвардзейскай механізаванай брыгадзе. Адпрацоўваліся дзеянні дзяжурнага падраздзялення, якое мусіла ліквідаваць нападнікаў. Яны, дарэчы, выкарыстоўвалі беспілотнік і форму беларускага вайскоўца, захапілі дзяжурнага па часці. Але ўсё скончылася, як і бывае на вучэннях у РБ, іх затрыманнем і "ліквідацыяй" аднаго з нападнікаў, які паспрабаваў збегчы.
