У грузавіку, які прыехаў з Літвы ў Беларусь, былі схаваныя два аўтамабілі (фота)

У грузавіку, які прыехаў з Літвы ў Беларусь, былі схаваныя два аўтамабілі. Здарэнне адбылося ў пункце пропуску "Каменны Лог". Кантрабандай праз мяжу спрабавалі пераправіць японскія легкавікі (Toyota RAV4 2018 года выпуску і Lexus GX 2015 года выпуску). Але мытнікі іх знайшлі з дапамогай сканавання транспартнага сродку, якое выявіла наяўнасць іншага тавару, а не таго, які быў заяўлены, інфармуе прэс-служба Дзяржаўнага мытнага камітэту.

Паводле дакументаў, грузавік перавозіў не новыя аўтазапчасткі коштам больш за 7,5 тысячы рублёў. Аднак іх выкарысталі для маскіравання асноўнага грузу, які быў схаваны за фальшывымі сценкамі. Кантрабандныя аўтамабілі ацанілі на суму больш 150 тысяч рублёў. Іх, як і грузавік, забралі. Праводзіцца праверка.