У храме на расійскім Сахаліне забілі дваіх чалавек
Гэта здарылася ў часе набажэнства ў кафедральным саборы Паўднёва-Сахалінска.
Мужчына распачаў страляніну і забіў дваіх чалавек, яшчэ шасцёра атрымалі раненні і трапілі ў лякарню. Стралка затрымалі.
Ад ран на месцы сканала манашка і адзін з вернікаў, перадае ВВС.
Згодна з інфармацыяй праваахоўных органаў, нападнік 1989 года нараджэння працаваў ахоўнікам у адным з ахоўных агенцтваў. Ён не спрабаваў збегчы і быў затрыманы на месцы. На яго завялі крымінальную справу, у бліжэйшы час будзе прызначаная экспертыза псіхічнай адэкватнасці падазраванага.