У Касцюковіцкім райвыканкаме разглядалі "жарт" над міліцыяй вучня 1-га класа

Камісія па справах непаўналетніх Касцюковіцкага райвыканкама (Магілёўская вобласць) разглядала "жарт" над міліцыяй вучня 1-га класа мясцовай школы. Хлопчык у кампаніі двух аднакласнікаў паведаміў з мабільнага тэлефона сілавікам, што да малалетніх нібыта прыстае дарослы хлопец. Як піша раённая газета, "ілжывы выклік школьнікі суправадзілі ў дадатак нецэнзурнымі выразамі". Па названым адрасе выязджаў нарад міліцыі.

У выніку першакласніка знайшлі. У дачыненні яго бацькоў склалі пратакол аб адміністрацыйным правапарушэнні. А камісія па справах непаўналетніх абмежавалася папярэджаннем. Чыноўнікі патлумачылі хлопчыку, што тэлефанаваць у міліцыю трэба "толькі ў выпадку неабходнасці".