У Лондане страйкуюць кіроўцы аўтобусаў

У Лондане пачаўся 24-гадзінны страйк кіроўцаў аўтобусаў. У ім, паводле ацэнак брытанскіх СМІ, могуць прыняць удзел каля 27 тысяч чалавек.

Кіроўцы незадаволеныя няроўнымі ўмовамі аплаты працы. Страйк арганізавала мясцовая прафсаюзная арганізацыя Unite. Па словах яе прадстаўнікоў, работнікі розных кампаній атрымліваюць розны заробак за адну і тую ж працу.

Мяркуецца, што 13 студзеня ў брытанскай сталіцы будуць функцыянаваць 44 з 673 аўтобусных маршрутаў, перадае РБК. Пры гэтым далёка не ўсе кіроўцы і аператары падтрымліваюць ініцыятыву прафсаюза. Па іх словах, акцыя можа моцна ўскладніць і без таго няпростую транспартную сітуацыю ў Лондане.

Фота — holidaym.ru