У Мінску адкрыецца чацвёртая крама з таварамі IKEA
Яе плошча будзе каля 400 квадратных метраў / realt.by
У шматфункцыянальным комплексе Prizma каля станцыі метро "Партызанская" адкрыецца новая крама сеткі Swed House, дзе можна будзе набыць тавары і мэблю з IKEA.
Крама размясцілася на трэцім узроўні, і яе плошча складзе каля 400 квадратных метраў.
Тавары IKEA можна будзе набыць на трэцім узроўні МФК / realt.by
У краме будуць прадаваць не толькі тавары IKEA, але і вырабы ўласнай вытворчасці Swed House. Будзе прадстаўлена таксама прадукцыя фабрык, якія раней супрацоўнічалі са шведскім брэндам.
Усе тавары — у стылі мінімалізму. У краме можна будзе знайсці мэблю, посуд, тэкстыль, цацкі і аксесуары.
Зараз сетка Swed House налічвае тры крамы ў Мінску — у "Палаццо", у "Арэна-Сіці" і ў "Экспабеле".
