У Мінску на сходзе настаўнікаў гісторыі крытыкавалі ўкраінскія падручнікі
![Мінскія настаўнікі гісторыі](/sites/default/files/styles/gallery_main/public/2024-06/22.jpg.webp?itok=K3Tmskuq)
Мінскія настаўнікі гісторыі / minsknews.by
21 чэрвеня ў Мінску ў БДПУ імя Танка на семінар, арганізаваны гарадскім саветам, сабралі настаўнікаў гісторыі. Як піша minsknews.by, галоўнай мэтай мерапрыемства было "проціборства фальсіфікацыям і скажэнню гістарычных фактаў, звязаных з пачаткам і ходам Вялікай Айчыннай вайны". Настаўнікаў "апрацоўвалі" чыноўнікі і прапагандысты-гісторыкі.
А дэкан гістарычнага факультэта педуніверсітэта Сяргей Шупляк крытыкаваў ўкраінскія падручнікі па гісторыі. "Мы бачым, што ў пытаннях пачатку Вялікай Айчыннай вайны ў нас ёсць кансалідацыя з Расіяй, — кажа ён. — Гэта практычна ідэнтычныя погляды. Украінскі ж бок выкарыстоўвае фэйкі нават на ўзроўні сваіх падручнікаў".
Але канкрэтых прыкладаў не прывёў.
На семінары прапагандысты гаварылі пра "важнасць асэнсавання мінулага досведу з беларускіх нацыянальных пазіцый". Але гэта толькі словы. А вось ва Украіне даўно падручнікі пішуць менавіта з нацыянальных пазіцый.
![У Мінску на сходзе настаўнікаў гісторыі крытыкавалі ўкраінскія падручнікі](/sites/default/files/styles/default_image_paragraph/public/paragraphs/image/23_54.jpg.webp?itok=BJ4ZuF8B)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.