У Мінску пачынаецца разгляд справы экс-чыноўнікаў Мінтранса і Беларускай чыгункі

У Мінску ў гарадскім судзе пачынаецца разгляд справы экс-чыноўнікаў Мінтранса і Беларускай чыгункі. Іх вінавацяць у злоўжыванні ўладай і службовымі паўнамоцтвамі.

Тэлеканал “Беларусь 1” нагадвае, што чыноўнікаў затрымалі ў снежні 2015 года. Ім пагражае да 10 гадоў пазбаўлення волі з магчымай канфіскацыяй маёмасці. Першы фігурант справы, былы першы намеснік міністра транспарту і камунікацый, быў вызвалены ад пасады ў сувязі з учынкам, які не сумяшчальны са знаходжаннем на дзяржаўнай службе. Другога фігуранта, былога першага намесніка начальніка Беларускай чыгункі, адхілілі за парушэнне абавязацельства па выкананні абмежаванняў, прадугледжаных заканадаўствам аб барацьбе з карупцыяй. Трэці фігурант быў звольнены ў сувязі з заканчэннем працоўнага кантракту.