У Мінску судзяць затрыманых падчас акцыі "Стоп-падатак"
Канстанцін Глушко і Андрэй Самохін з вечара пятніцы знаходзіліся за кратамі на Акрэсціна.
Супраць іх склалі пратакол аб непадпарадкаванні патрабаванням супрацоўнікаў міліцыі. Справу Глушко і Самохіна ў панядзелак разглядае суд Ленінскага раёна.
Верагодна, маецца на ўвазе кіроўца, які быў затрыманы ў пятніцу каля цырка, дзе ён спыніў аўтамабіль і заблакаваў рух транспарту. Разам з ім міліцыянты затрымалі і пасажыра. Нагадаем, аўтамабілісты пратэстуюць супраць увядзення ў 2014 годзе дзяржаўных пошлін на допуск аўтамабіляў да ўдзелу ў дарожным руху.
Як паведамляе "Интерфакс-Запад", супрацоўнікі ДАІ складаюць пратаколы "па фактах парушэнняў Правілаў дарожнага руху 20 снежня на праспекце Незалежнасці, калі ў Мінску праходзіла акцыя "Стоп-падатак". Ужо складзена частка адміністрацыйных пратаколаў у адносінах кіроўцаў, якія "перашкаджалі забеспячэнню бяспецы руху, тармазілі рух транспартнай плыні".
Таксама "складзеныя пратаколы і па фактах неабгрунтаванай падачы гукавога сігналу кіроўцамі". Іх ужо адпраўляюць у мінскія суды.
У Мінску прайшла акцыя пратэсту аўтамабілістаў (фота, відэа)
