У Мінску сёння праходзіць чарговы форум прадпрымальнікаў (фота)
28 верасня ў Мінску праходзіць чарговы форум прадпрымальнікаў, арганізаваны грамадскім аб'яднаннем "Перспектыва". На ім ІП збіраюцца абмеркаваць умовы працы сённяшнія і на бліжэйшыя гады, а таксама прынятую пастанову № 666 аб дзяржаўнай санітарна-гігіенічнай экспертызе прадукцыі замежнай вытворчасці.
Прадпрымальнікаў хвалююць такія пытанні, як павелічэнне штрафаў за парушэнне падатковага заканадаўства і агульны эканамічны спад, у сувязі з чым ІП адзначаюць рэзкае зніжэнне пакупніцкай здольнасці беларусаў.
“Я на Чэрвеньскім рынку гандлюю парфумай, касметыкай, — распавядае прадпрымальніца з Мінска. — Пакупніцкая здольнасць [людзей] знізілася на 60%, але мы дацягнем да новага года і ўсё. Я вельмі спадзяюся, што мы нешта вырашым, але людзі пачалі губляць веру, таму нас сёння так мала, спадзяюся, што будзе болей людзей, што мы нешта вырашым”.
На форум запрошаны першы віцэ-прэм'ер Васіль Мацюшэўскі, а таксама прадстаўнікі шэрагу беларускіх міністэрстваў і ведамстваў.
Фота: Еўрарадыё
