У паўфінале чэмпіянату Еўропы па індархакею беларускі згуляюць з Польшчай

У паўфінале чэмпіянату Еўропы па індархакею жаночая зборная Беларусі згуляе з Польшчай. Пра гэта стала вядома пасля завяршэння папярэдняга раўнда спаборніцтваў, якія праходзяць у мінскім Палацы спорту. Беларускі занялі першае месца ў групе "В", на іх рахунку тры перамогі ў трох матчах. У апошнім матчы яны выйгралі ў Аўстрыі — 3:1. Зборная Польшчы заняла ў групе "А" другое месца.

Матч Беларусь — Польшча адбудзецца сёння ўвечары. У іншым паўфінале сустрэнуцца зборныя Галандыі і Нямеччыны.