У Пінску будуць са спадарожніка сачыць за рухам службовых аўтамабіляў
Ужо больш за 6 месяцаў ўсе аўтамабілі "хуткай дапамогі" ў Пінску абсталяваныя сістэмай спадарожнікавай навігацыі. Як высветлілася, такая сістэма кантролю дазволіла аптымізаваць маршруты транспарту і скараціць выдаткі на паліва і запчасткі. Каб зэканоміць бюджэтныя сродкі мясцовыя ўлады вырашылі абсталяваць сістэмай GPS-навігацыі і аўтатранспартную гаспадарку ЖКГ. У будучым годзе ў Пінску нават рух “смеццявозак” будзе адсочвацца праз сатэліт.
