У пятніцу днём у Беларусі чакаецца мокры снег

У пятніцу, 26 лістапада, у Беларусі будзе воблачна з праясненнямі, максімальная тэмпература паветра днём дасягне 6 градусаў цяпла, паведамляюць сіноптыкі.

У начныя і ранішнія гадзіны ў асобных раёнах краіны слабы туман і галалёд, на асобных участках дарог галалёдзіца. Месцамі, а днём па паўднёвым захадзе краіны ў многіх раёнах невялікія ападкі ў выглядзе мокрага снегу і дажджу.

Тэмпература паветра ўначы складзе ад -3 да +2 градусаў, днём будзе ад 0 да 6 градусаў са знакам "плюс". Вецер паўднёва-заходні, паўднёвы, 5-10 м/с, парывамі да 14 м/с. Атмасферны ціск уначы будзе падаць, днём істотна не зменіцца.