У пятніцу ў Беларусі чакаецца да 6 цяпла, мокры снег, дождж

Уначы ў пятніцу, 19 лютага, у Беларусі чакаецца 1-6 градусаў ніжэй за нуль, на ўсходзе — да мінус 8, а на Брэстчыне — ад 0 да 3 градусаў цяпла. Удзень будзе ад 1 градуса марозу да 4 градусаў са знакам плюс, у Брэсцкай вобласці — 5-6 градусаў вышэй за нуль.

Як паведамляе БЕЛТА са спасылкай на Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды, ападкі (мокры снег, дождж) прагназуюцца пераважна на захадзе нашай краіны. Месцамі магчымы галалёд, на асобных участках дарог захаваецца галалёдзіца.

Вецер будзе паўднёва-ўсходні, 5-10 метраў за секунду.