У Расіі затрымалі дэпутата з партрэтам вязня канцлагераў, які загінуў у Харкаве

У Пецярбургу 9 траўня міліцыянты затрымалі муніцыпальнага дэпутата Сяргея Самусева. 

Як піша fontanka.ru, ён спрабаваў прайсці на акцыю "Бессмяротны полк". Пры сабе Самусеў меў плакат з партрэтам вязня нацысцкіх канцлагераў Барыса Раманчанкі, які загінуў ад расійскіх ракет у Харкаве. 96-гадовы вязень Бухенвальда загінуў пад расійскім абстрэлам у сакавіку 2022-га.

Паліцыянты затрымалі дэпутата з такім плакатам. 

"Не адразу [затрымалі], сказалі да старшага падысці. Я хацеў дачакацца, калі менш народу будзе, знайсці яго", — падзяліўся падрабязнасцямі дэпутат.