У вучэбным цэнтры ў Печах загінуў вайсковец
У 72-м Аб'яднаным вучэбным цэнтры загінуў вайсковец, паведамляе прэс-служба Мінабароны.
Паводле папярэдняй інфармацыі, трагедыя адбылася падчас заняткаў па агнявой падрыхтоўцы.
"У выніку неасцярожнага абыходжання са зброяй вайсковец 72-га гвардзейскага Аб'яднанага вучэбнага цэнтра падрыхтоўкі прапаршчыкаў і малодшых спецыялістаў нанёс сабе агнястрэльнае раненне", — гаворыцца ў паведамленні Міністэрства абароны.
На месцы здарэння працуе следча-аператыўная група.
