У ЗША памёр апанент прэзідэнта Турцыі Эрдагана Фетхулах Гюлен
Фетхулах Гюлен / Reuters
У ЗША памёр ісламскі прапаведнік, апанент прэзідэнта Турцыі Рэджэпа Таіпа Эрдагана Фетхулах Гюлен. Яму ішоў 84-ы год, паведамляе Reuters.
Грамадскі і рэлігійны дзеяч жыў у ЗША з канца 1990-х. На радзіме яго абвінавачвалі ў арганізацыі вайсковага перавароту ў 2016 годзе. Аднак экстрадыцыі Гюлена Турцыя не змагла дамагчыся.
Фетхулах Гюлен прапагандаваў памяркоўны іслам, які ставіць у аснову альтруізм, сціпласць, працавітасць і адукацыю. Яго рух "Хізмет" існуе ў розных краінах свету, займаецца ў тым ліку і адукацыйнымі пытаннямі.
