Уцёкі ад рэжыму і вайны: Юра Стыльскі ўпершыню пасля ад'езду з Беларусі
Беларускія музыкі, якія ў 2020–2021 гадах былі вымушаныя збегчы ад палітычнага пераследу ва Украіну, цяпер зноў бягуць — ад вайны. Сярод тых, хто прыехаў у апошнія дні ў Варшаву — лідар берасцейскага гурта "Дай Дарогу!" Юрый Стыльскі.
Юра пакінуў Беларусь у жніўні 21-га: яго кліп на песню "Баю-бай" прызналі экстрымістскім. Пазоў на песню падаў ГУБАЗіК. Міліцыянтам не спадабаліся іх вобразы ў кліпе, і яны вырашылі, што ён "зняты з мэтай дыскрэдытацыі работнікаў сілавых структураў". Самому Юру давялося з'ехаць з-за пагрозы апынуцца за кратамі.
Больш за паўгода Стыльскі пражыў ва Украіне, якую вельмі палюбіў. І, кажа, не з'ехаў бы адтуль і падчас вайны, але настаяла каханая.
Мы сустракаемся з Юрам Стыльскім у студыі Еўрарадыё. Гэта першае інтэрв'ю музыкі пасля яго ад'езду з Беларусі.
