Уладальніка "карты паляка" падазраюць у нанясенні шкоды "інтарэсам Польшчы"
Апеляцыйны суд у Варшаве разгледзеў пытанне аб пазбаўленні "карты паляка" грамадзяніна Беларусі і пастанавіў яшчэ раз вывучыць абставіны гэтай справы.
Грамадзянін Беларусі атрымаў карту ў чэрвені 2009 года. А праз год, калі ён ужо прыбыў у Польшчу, консул Польшчы ў Беларусі (горад не пазначаны) прыняў рашэнне пазбавіць яго раней выдадзенага дакумента. У якасці абгрунтавання консул назваў пытанні "бяспекі, абароны грамадскага парадку і магчымыя дзеянні (цяперашнія ці будучыя) на шкоду інтарэсам Польшчы".
Рашэнне консула падтрымаў Савет па пытаннях палякаў на Ўсходзе.
Аднак Апеляцыйны суд 24 лютага сваім рашэннем абавязаў Савет зноў разгледзець пытанне і атрымаць ад консула ўсе сведчанні, якія ляглі ў аснову адклікання "карты паляка".
ІА REGNUM нагадвае, што напярэдадні Палата прадстаўнікоў Нацсходу Беларусі падвергнула рэзкай крытыцы ўлады Польшчы ў сувязі з выдачай "карты паляка".На думку дэпутатаў, такая практыка мае антыбеларускі характар і можа быць выгадная спецслужбам Польшчы.
