Улады на 5 гадоў перадаюць бясплатна магілёўскі касцёл вернікам
Магілёўскі касцёл / svaboda.org
Улады перадаюць вернікам касцёла Унебаўзяцця Найсвяцейшай Панны Марыі і святога Станіслава ў Магілёве на пяць гадоў бясплатна, паведамляе catholic.by. Гаворка пра гэта ішла 7 кастрычніка на сустрэчы Апостальскага нунцыя ў Беларусі арцыбіскупа Антэ Ёзіча і Мітрапаліта Мінска-Магілёўскага арцыбіскупа Юзафа Станеўскага з упаўнаважаным у справах рэлігій і нацыянальнасцяў Аляксандрам Румакам.
Цяпер у магілёўскім касцёле ідзе рамонт сіламі парафіяльнай супольнасці.
Таксама падчас сустрэчы абмяркоўвалася сітуацыя з Чырвоным касцёлам у Мінску, які ўлады забіраюць у вернікаў.
