Урад Ганы адправіў гульцам у Бразілію 3 млн долараў самалётам
Намеснік міністра спорту Ганы Джозэф Яамін заявіў, што гульцам нацыянальнай зборнай краіны адпраўленыя больш за 3 мільёны долараў прэміяльных.
Па яго словах, якія пераказвае by.tribuna.com, гульцы настойвалі на тым, што ім патрэбныя наяўныя. Раней паведамлялася, што гульцы Ганы могуць байкатаваць матч трэцяга тура групавога этапу чэмпіянату свету з Партугаліяй, калі не атрымаюць абяцаных прэміяльных.
Прэзідэнт Ганы асабіста запэўніў футбалістаў, што яны атрымаюць грошы.
Фота — stranaorigami.ru
