Верасень 2023-га стаў самым гарачым у свеце за ўсю гісторыю назіранняў
Беспрэцэдэнтныя тэмпературы выклікалі трывогу ў кліматолагаў / АР
У верасні былі зафіксаваныя беспрэцэдэнтныя тэмпературныя анамаліі. Зусім магчыма, што 2023 год стане самым цёплым за ўсю гісторыю назіранняў. Па даных службы змены клімату Copernicus, сярэдняя сусветная тэмпература ў верасні пабіла рэкорды. Яна на 1,7 градуса перавысіла паказчыкі даіндустрыяльнай эпохі (1850-1900 гады). Тэмпературная анамалія прыкладна на 0,9°C перавышае сярэдняе значэнне за 1991-2020 гады.
Беспрэцэдэнтныя тэмпературы выклікалі трывогу ў кліматолагаў. Навукоўцы звязваюць больш інтэнсіўныя экстрэмальныя ўмовы з'явы з павышэннем тэмпературы паверхні мора, якая таксама дасягнула рэкордных паказчыкаў у верасні, паведамляе euronews.com.
У верасні ў Беларусі зафіксавалі 189 тэмпературных рэкордаў.
