Вершам года ў Расіі прызнаны матны тэкст пра бел-чырвона-белы сцяг і "свядомых"

У Расіі падведзеныя вынікі прэміі "Паэзія" (яе называюць спадкаемцай вядомай і прэстыжнай прэміі "Паэт"). 

Вершам года названы тэкст Марыі Маліноўскай "бело-красно-белый флаг". Гэты тэкст напоўнены матамі і прасякнуты згадкамі пра "свядомых".

Арганізатары прэміі паведамляюць, што публікацыя ад 13 жніўня 2020 года "выдаленая з сацсетак па ананімным даносе".

Пераможца атрымае за яго 300 тысяч расійскіх рублёў.

У ФБ Марыі Маліноўскай паведамляецца, што яна ўраджэнка Гомеля, цяпер жыве ў Маскве. Як бачна па фотках  у профілі Марыі, яна падтрымлівае беларускія пратэсты.