Выяўлены буйны крадзеж на падрыхтоўцы "Дажынак-2013"
Як вядома, сёлета фестываль-кірмаш працаўнікоў вёскі пройдзе ў Жлобіне.
У горадзе яшчэ працягваюцца падрыхтоўчыя мерапрыемствы да "Дажынак". Праваахоўнікі тым часам затрымалі нейкую "матэрыяльна адказную асобу". Як інфармуе БЕЛТА, мужчыну падазраюць у крадзяжы больш за 1,7 тысяч кубічных метраў уцяпляльных блокаў з пенашкла. Ён стварыў "лішкі таварна-матэрыяльных каштоўнасцяў" і прыцягнуў да схемы крадзяжу яшчэ дваіх працаўнікоў. Аднак падчас вывазу блокаў быў затрыманы супрацоўнікамі міліцыі.
Распачатая крымінальная справа, праводзіцца следства. Падазраваным у здзяйсненні злачынства пагражае да 7 гадоў пазбаўлення волі з канфіскацыяй маёмасці.
