Выйшла відэа, знятае падчас скандальнага прыезду Ціля Швайгера ў Беларусь
Ціль Швайгер / Blockchain Sports Drift
З'явілася відэа, якое здымалі з удзелам актора Ціля Швайгера ў Беларусі. Гэта не кіно, а рэкламны ролік Blockchain Sports Drift.
Здымкі праводзіліся ў Магілёве, Нясвіжы, Гомелі, Гродне і ў Мінску. У роліку можна пабачыць вуліцы і плошчы гэтых гарадоў. Дзеля здымак ДАІ перакрывала вуліцы.
Акрамя самога Швайгера, у відэа зняліся прафесійныя пілоты з Беларусі, Расіі, Аўстраліі, Японіі, Тайланда і Бразіліі.
Пасля візіту ў Беларусь Ціль Швайгер апраўдваўся за свае выказванні на прэс-канферэнцыі, арганізаванай дзяржаўнымі СМІ. Тады ён сказаў, што чуў пра краіну толькі найлепшае.
Яго прыезд у краіну падчас дзяржаўнага тэрору раскрытыкавала лідарка беларускіх дэмсілаў Святлана Ціханоўская. Яна прапанавала Швайгеру выкарыстаць свой візіт для сустрэчы з беларускімі палітвязнямі ці запісаць відэа ў іх падтрымку.
