З 1 красавіка вырасла базавая арэндная велічыня — да 15,2 рубля

Базавая арэндная велічыня ў Беларусі з 1 красавіка павялічана да Br15,2. Гэта прадугледжана пастановай Савета Міністраў ад 7 сакавіка 2017 года №182, паведамілі БЕЛТА ў прэс-службе ўрада. Раней базавая арэндная велічыня складала Br13,6.

Гэты паказнік выкарыстоўваецца ў разліках арэнднай платы пры найманні плошчаў, якія знаходзяцца ў дзяржаўнай уласнасці. Гэта датычыцца ўласнасці гаспадарчых таварыстваў, у статутных фондах якіх больш за 50% акцый (долей) знаходзіцца ва ўласнасці Беларусі або яе адміністрацыйна-тэрытарыяльных адзінак, а таксама капітальных пабудоў (будынкаў, збудаванняў), ізаляваных памяшканняў, машына-месцаў, іх частак, уключаючы капітальныя будынкі (будынка, збудавання), ізаляваныя памяшканні, іх часткі на рынках і ў гандлёвых центрах.

Такім чынам, узрастаюць выдаткі прадпрымальнікаў, якія здымаюць гандлёвыя месцы, офісы або вытворчыя плошчы ў памяшканнях з дзяржаўнай уласнасцю.