Затрыманага Міколу Дзядка перавялі на "Валадарку"
З'явіліся звесткі, што Міколу Дзядка 18 лістапада перавялі ў СІЗА №1 на вуліцы Валадарскага. Дагэтуль ён знаходзіўся ў ІЧУ на Акрэсціна.
Пра затрыманне аднаго з найбольш вядомых беларускіх анархістаў стала вядома 12 лістапада. Паведамлялася, што супрацоўнікі ГУБАЗіК затрымалі яго на канспіратыўнай кватэры ў Асіповіцкім раёне. На міліцэйскім відэа допыту бачна, што Дзядка пры затрыманні збілі.
Мікола мае статус падазраванага па крымінальнай справе за арганізацыю і падрыхтоўку дзеянняў, якія груба парушаюць грамадскі парадак.
Пісаць яму можна на адрас: СІЗА-1, вул. Валадарскага 2, Мінск, 220030, Дзядку Мікалаю Аляксандравічу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
