Журналістка Хартыі’97 Наталля Радзіна штодня атрымлівае пагрозы

Журналістка charter97.org Наталля Радзіна штодня атрымлівае ананімныя пагрозы. Яны паступаюць у выглядзе каментароў да артыкулаў на сайце. У іх паведамляецца, што Алег Бябенін быў першым журналістам Хартыі, якога забілі, — на чарзе астатнія. Вось толькі некаторыя з пагрозаў: «Аднаго журналюгу ўжо ўмяртвілі, дойдзе і да вас чарга, пачвары ...», «Будзеце цяўкаць, хутка ўсіх переб'юць, як ужо адну дрэнь, аднаго здрадніка РБ ...», «Апазіцыі - смерць», «Мы ўсіх вас, пачвараў, знішчым, і сваякоў таксама, каб не пладзіць вырадкаў чырвона-белых», «Мадэратар, калі ты думаеш, што ты невядомы, і сядзіш у Рашке, табе ўсё сыдзе гэта, памыляешся. Яшчэ пабачым, калі будзе дазволена афіцыйна мачыць ўбогіх. Мы з табой асабіста пазнаёмімся ... »

Наталля Радзіна адзначае, што раней пагрозы паступалі ўвесь час, але з нейкай перыядычнасцю, колькі разоў на год. Пасля гібелі Алега Бябеніна ёй сталі пагражаць штодня.