Журналістка Кацярына Барысевіч узнагароджаная прэміяй "За свабоду прэсы 2021"
Журналістка партала TUT.by Кацярына Барысевіч стала лаўрэаткай міжнароднай прэміі "За свабоду прэсы 2021".
На сайце прэміі гаворыцца, што гэтае ўзнагароджанне дазваляе прыцягнуць увагу да цяжкага становішча журналістаў у Беларусі.
Кацярына Барысевіч была асуджаная на паўгода за публікацыю пра тое, што загінулы Раман Бандарэнка быў цвярозы. Яе прызналі вінаватай у разгалошванні медыцынскай таямніцы, хаця сваякі Бандарэнкі былі не супраць паведамлення гэтых звестак у сМІ.
Журналістку затрымалі 19 лістапада 2020-га, а на волю яна выйшла 19 траўня 2021 года.
