Жыхара Іванава адправілі ў калонію і аштрафавалі на 2 млн за данаты

Палітвязня Аляксандра Дарагакупца асудзілі за данаты на 5,5 года калоніі ўзмоцненага рэжыму і прызначылі вялізны штраф — больш за 2 мільёны рублёў. Дарагакупцу 44 гады, ён — жыхар Іванава ў Брэсцкай вобласці. За кратамі знаходзіцца са жніўня 2024 года. Яго справу са снежня разглядаў Брэсцкі абласны суд (суддзя — Андрэй Сіз). 

Мужчыну прызналі вінаватым у тым, што ён пералічыў "экстрэмісцкім фармаванням" (а сярод іх і Палку Каліноўскага) грошы і крыптавалюту — агулам не менш за 11 тысяч рублёў. Судзілі ж яго паводле пяці артыкулаў Крымінальнага кодэкса.

Генпракуратура піша, што Аляксандр Дарагакупец падчас расследавання яго справы пералічыў дзіцячым дамам 600 тысяч долараў.