Мільярды на індыйскія вяселлі і дамаганні па службовым абавязку — #ІхНоравы

14/10/2024 - 16:20

Замежныя навіны / @rubanau_collage

У Індыі пачынаецца чарговы вясельны сезон, на якім улады маюць намер максімальна падзарабіць. Пакуль будучыя маладыя рыхтуюцца да сваіх прыгожых вясельных цырымоній, у іншай частцы планеты разгараюцца скандалы.

Так, вядомага нямецкага тэлевядучага абвінавачваюць у дамаганнях проста ў час інтэрв'ю, а мільярдэра Ілана Маска ў чарговы раз "злавілі" на крадзяжы.

Тым часам у сталіцы Чэхіі плануюць адмяніць алкатуры па барах.

Больш падрабязна пра ўсё гэта чытайце ў нашай пастаяннай рубрыцы "Іх норавы".

Індыйскія вяселлі

Чарговы вясельны сезон пачынаецца ў Індыі. Па звестках Канфедэрацыі гандлю, ён прынясе эканоміцы краіны больш за 70 мільярдаў долараў.

Вяселле з'яўляецца адной з самых значных падзей у жыцці індыйцаў, да якой бацькі рыхтуюцца з самага нараджэння сваіх дзяцей — будучых жаніхоў і нявест.

Эксперты прагназуюць, што сёлета ў Індыі адбудзецца каля пяці мільёнаў вяселляў. Гэта звязанае з павелічэннем колькасці спрыяльных астралагічных дат, якія граюць ключавую ролю ў выбары дня для шлюбу.

Сярэдні кошт вяселля сярод забяспечаных сем'яў — каля 360 тысяч долараў. Бюджэт больш простых вяселляў складае 3,5 тысячы долараў, а вяселлі сярэдняга ўзроўню абыходзяцца сем'ям прыкладна ў 100-150 тысяч.

Дамаганні "ў працоўных мэтах"

Больш за 25 гадоў паспяховы Томас Готшальк вёў забаўляльную перадачу "Іду ў заклад, што..." на тэлеканале ZDF. Зараз нямецкаму вядучаму 74 года. Ён ужо не так шмат працуе, але раптам апынуўся ў цэнтры скандалу.

Падчас інтэрв'ю часопісу Spiegel, Готшальк адказаў на не самыя прыемныя пытанні. Напрыклад, пра тое, як ён "някласна" састарэў і лаецца на моладзь. Таксама яму нагадалі, што ён у сваіх праграмах рэгулярна хапаў жанчын-госцяў за каленкі, у тым ліку спявачку са Spice Girls. Готшальк заявіў, што ў яго не было сексуальнай цікавасці да ўдзельніц групы.

— Я дакранаўся да жанчын на тэлебачанні выключна ў працоўных мэтах. Як акцёр, які цалуецца ў фільме, таму што гэтак прадугледжвае сцэнар. Я не дазволю абвінавачваць сябе ў нападзе. Тым не менш, сёння я б гэтага не рабіў, таму што ведаю, што некаторыя рэчы цяпер з'яўляюцца палітычна некарэктнымі, чаго не было тады, — патлумачыў тэлевядучы.

Цытаты тэлевядучага разляцеліся на мемы: пакуль адны кажуць, што проста быў такі час, іншыя абураюцца і жартуюць: "Дзіўна, што мужчыны выключна ў працоўных мэтах не дакранаюцца да мужчын", "Так можа сказаць гінеколаг, а не тэлевядучы" і "Ён нават не выбачаецца".

Зладзюжка-мільярдэр

Рэжысёр навукова-фантастычнага фільма "Я, робат" Алекс Прояс абвінаваціў мільярдэра Ілана Маска ў капіяванні дызайну робатаў і электракараў.

Миллиарды на индийские свадьбы и домогательства по долгу службы — #ИхНравы

Ілан Маск / Gonzalo Fuentes / REUTERS

Алкатурызму — гамон?

Улады Прагі могуць забараніць так званыя pub crawls — прагулкі турыстаў з бара ў бар, арганізаваныя спецыялізаванымі агенцтвамі.

Асноўная прычына — звароты мясцовых жыхароў, якія скардзяцца на шумныя п'яныя кампаніі.

Яшчэ адной праблемай, на думку муніцыпалітэта, з'яўляецца нанясенне шкоды рэпутацыі чэшскай сталіцы з прычыны тых жа п'яных кампаній, якія перамяшчаюцца па горадзе.

— Неабгрунтаванае ўжыванне алкаголю і дэструктыўныя паводзіны, звязаныя з наведваннем пабаў, могуць стварыць уражанне адсутнасці культуры ў грамадстве, знізіць пачуццё бяспекі і прывесці да пазбягання такіх месцаў. Гэта можа аказаць негатыўны ўплыў на ўспрыманне муніцыпалітэта турыстамі, патэнцыяльнымі інвестарамі і самімі грамадзянамі, — кажуць чыноўнікі.