15 снежня па ўсходзе Беларусі прагназуюць моцныя снегапады
Сіноптыкі абвясцілі на 15 снежня аранжавы ўзровень небяспекі / Еўрарадыё
У чацвер, 15 снежня, у Беларусі будзе воблачна, уначы з праясненнямі, паведамляе Белгідрамет.
Уначы пераважна па паўднёвай частцы краіны, а зранку і ўдзень — на большай частцы тэрыторыі Беларусі пройдзе снег. Па паўднёвым усходзе ўдзень прагназуюць месцамі мокры снег, дождж. Па ўсходзе Беларусі зранку і ўдзень чакаецца моцны снег, месцамі завея, галалёд. Сіноптыкі абвясцілі аранжавы ўзровень небяспекі.
На асобных участках дарог будзе галалёдзіца. Вецер чакаецца паўднёвы, удзень з пераходам на заходні ўмераны. Па ўсходзе краіны вецер будзе парывісты, месцамі моцны парывісты.
Тэрмометры ўначы пакажуць 6-12 марозу. Удзень будзе 1-6 са знакам "мінус", па поўдні краіны прагназуюць ад 0 да +1.
