163 мігранты спрабавалі трапіць у Еўрасаюз з Беларусі за апошнія суткі
Польскі памежнік на мяжы з Беларуссю / twitter.com/Straz_Graniczna
163 мігранты спрабавалі трапіць у Еўрасаюз з Беларусі за апошнія суткі. 107 замежнікаў прарываліся праз беларуска-польскую мяжу, 52 — праз мяжу Беларусі з Латвіяй, 4 — з Літвой.
Сярод тых, каго затрымалі польскія памежнікі, — грамадзяне Эфіопіі і Марока. Паведамляецца, што 22 чалавекі, пабачыўшы польскі патруль, самі вярнуліся на беларускую тэрыторыю.
На ўчастку Пласка чацвёра грамадзянаў Конга, 2 — Індыі і 2 — Маўрытаніі незаконна пераправіліся праз раку Валкушанка. У раёне Белавежы за дапамогу ў аргаізацыі нелегальнай міграцыі затрыманы ўкраінец, які перавозіў шасцярых грамадзянаў Афганістана.
