18 лістапада прагназуюць мокры снег і дождж
У чацвер, 18 лістапада, у Беларусі прагназуецца воблачнае з праясненнямі надвор'е, паведамляе Белгідрамет.
Уначы месцамі, а ўдзень у многіх раёнах краіны пройдуць невялікія кароткачасовыя ападкі ў выглядзе мокрага снегу і дажджу. Уначы і зранку месцамі чакаюцца слабыя туман і галалёд. Вецер будзе паўднёвы, паўднёва-заходні ўмераны, удзень месцамі парывісты.
Тэрмометры ўначы пакажуць -3...+3, па паўднёвым усходзе будзе 4-6 марозу. Удзень прагназуецца ад 0 на ўсходзе да +7 на захадзе краіны.
