19:12 Большасць мігрантаў у Беларусі — з Расіі
Па стане на
пачатак 2007 года ў Беларусі стала пражываюць больш за 117 тысяч замежных
грамадзян і каля 9 тысяч асоб без грамадзянства. Гэтай інфармацыяй падзяліўся з
грамадскасцю намеснік начальніка дэпартамента па грамадзянстве і міграцыі МУС
Беларусі Сяргей Матус.
Сярод мігрантаў, якія заязджаюць у нашую краіну,
пераважаюць рускамоўныя — беларусы, рускія, украінцы. 66,5 адсоткаў з іх
прыбываюць з Расіі.
Сяргей Матус адзначыў таксама, што ў 2006 годзе ў Беларусі
было часова зарэгістравана больш за 339 тысяч замежнікаў. Гэта амаль на 25
тысяч больш у параўнанні з 2005 годам.
На сталае жыхарства у Беларусі летась
засталося больш за 12 тысяч замежных грамадзян. Колькасць выдадзеных дазволаў
на сталае жыхарства у параўнанні з 2005 годам павялічылася на 13 адсоткаў.
