7 лістапада чакаюцца дажджы і парывісты вецер
7 і 8 лістапада надвор'е ў Беларусі будуць вызначаць франтальныя раздзелы, якія перамяшчаюцца з Балтыйскага мора. Чакаецца пераважна воблачнае надвор'е, паведамляе Белгідрамет.
У нядзелю на большай частцы тэрыторыі краіны пройдуць дажджы. У асобных раёнах прагназуецца слабы туман. Вецер будзе паўднёва-заходні парывісты, месцамі моцны парывісты.
Тэрмометры ўначы пакажуць ад 2 да 7 цяпла, удзень будзе +5...+12.
