8 лютага мокры снег і дождж пройдуць па захадзе Беларусі
У аўторак, 8 лютага, прагназуецца воблачнае з праясненнямі надвор'е, паведамляе Белгідрамет.
Уначы месцамі па краіне пройдуць невялікія ападкі — снег, мокры снег. А ўдзень снег, мокры снег і дождж чакаюцца пераважна па захадзе краіны. На асобных участках дарог захаваецца галалёдзіца. Вецер будзе заходні ўмераны, удзень месцамі па захадзе парывісты.
Тэрмометры ўначы пакажуць -5...+1, удзень — ад 1 градуса марозу да 4 цяпла.
