Абаронцу БАТЭ Ягора Філіпенку дыскваліфікавалі на два матчы
Гульца пакаралі за выдаленне ў нядаўнім матчы чэмпіянату Беларусі ў Барысаве паміж БАТЭ і салігорскім "Шахцёрам".
Прэс-служба БАТЭ сцвярджае, што на 65-й хвіліне Ягор Філіпенка быў справакаваны гульцом "Шахцёра" Аляксеем Рыясам "на праяву неспартыўных паводзінаў". Дысцыплінарны камітэт Беларускай федэрацыі футбола за "агрэсіўныя паводзіны" (за ўдар саперніка) прыняў рашэнне дыскваліфікаваць абаронцу на дзве гульні.
25-гадовы футбаліст ужо прапусціў матч БАТЭ з "Гомелем". Не згуляе Філіпенка і ў хатнім кубкавым паядынку з клубам "Смаргонь".
Фота — fcbate.by
