Адвакаты Баўмгертнера падалі скаргі ў Генпракуратуру
Скаргі накіраваныя таксама старшыні гарадскога суда Мінска.
Пра гэта РИА Новости паведаміў адзін з абаронцаў Дзмітрый Гарачка. Падстава для скаргаў — утрыманне іх кліента, гендырэктара “Уралкалія” Уладзіслава Баўмгертнера пад вартай. Пры гэтым абарона не ведае, калі скаргі будуць разгледжаныя.
Адвакат таксама не ўдакладніў, як яго кліент адрэагаваў на нядаўнюю заяву Аляксандра Лукашэнкі, што той можа быць перададзены Расіі. Гарачка патлумачыў, што яго “прасілі гэта не каментаваць”.
