У Гродне асілак падняў амаль 4 тоны і ўстанавіў новы рэкорд Гінэса (фота)
Яго зафіксавалі ў пятніцу ў аграрным універсітэце.
Ураджэнец гэтага горада Анатоль Яжоў падняў 24-кілаграмовыя гіры напераменку за адну хвіліну 155 разоў. Агульная вага склала 3720 кілаграмаў. Папярэдні рэкорд Яжова быў устаноўлены летась у Віцебску — 140 разоў.
Анатоль Яжоў — прафесійны спартовец па гіравым спорце. На яго рахунку ўжо сотні сусветных рэкордаў.
Відэасведчанне пра здзейснены новы рэкорд было адасланае ў галоўны офіс стваральнікаў Кнігі рэкордаў Гінэса.
