Associated Press выклала ў інтэрнэт відэаархіў. Ёсць сюжэты з Беларусі
З беларускіх сюжэтаў запампаваныя пераважна відэа з 1990-х і 2000-х гадоў.
Агенцтва The Associated Press пачало выкладаць у інтэрнэт свой відэаархіў. Для гэтага створаны асобны youtube-канал AP Archive.
Сярод вялізнага масіву відэасюжэтаў ёсць і тыя, што звязаныя з Беларуссю. Пакуль што на інтэрнэт-канале можна пабачыць пераважна беларускія відэасюжэты з 1990-х і пачатку 2000-х гадоў. Не выключана, што пазней з’явяцца кадры іншых часоў.
