Асуджаны адміністратар суполкі "За адзіную дзяржаўную мову ў Беларусі!"

Адміністратара суполкі “За адзіную дзяржаўную мову ў Беларусі!” Уладзіміра Буцькаўца асудзілі на 3 гады калоніі ўзмоцненага рэжыму. Як піша @viasna96, яго абвінавацілі ў адміністраванні суполкі ў “ВКонтакте” і ў стварэнні "экстрэмісцкага фармавання". Крымінальную справу разглядаў Гомельскі абласны суд (суддзя — Руслан Царук).

Летам мінулага года Буцькаўца звольнілі з Гомельскага лясгасу як "палітычнага". У жніўні інфармацыйную прадукцыю суполкі прызналі "экстрэмісцкімі матэрыяламі", а пасля — і "экстрэмісцкім фармаваннем". Пра затрыманне Уладзіміра Буцькаўца стала вядома ў верасні 2022-га. Спачатку былі 7 сутак адміністрацыйнага арышту за "распаўсюд экстрэмісцкіх матэрыялаў". Пасля ўзнікла крымінальная справа.