Банкаўскі турызм. Расіяне едуць у Беларусь па карткі тутэйшых банкаў
Расіяне пачалі ездзіць у Беларусь, каб аформіць карты Visa і MasterCard у беларускіх банках. А таксама каб з'есці чызбургер з McDonald's і запіць сапраўднай кока-колай.
Беларускімі картамі па-ранейшаму можна расплачвацца ў замежных інтэрнэт-крамах. З большага яны дагэтуль прывязваюцца да мабільных платных сэрвісаў.
Нягледзячы на (амаль) шэсць пакетаў санкцый, на фоне Расіі Беларусь застаецца "санкцыйным оазісам". Вакном у Еўропу, можна сказаць. Чым і карыстаюцца расіяне, каб абыйсці накладзеныя на іх абмежаванні. Пра гэта пішуць тамтэйшыя медыі са спасылкай на крыніцы ў беларускіх банках.
