Беларусь адмяніла антысанкцыі на некаторыя тавары з ЕС, ЗША і іншых краін
Соль у ліку тавараў, з якіх знята эмбарга / pexels.com
Улады Беларусі адмовіліся ад часткі прадуктовых антысанкцый у дачыненні да ЕС, ЗША і іншых краін. Гэта вынікае з пастановы Саўміна №51 ад 27 студзеня.
Змены распаўсюджваюцца на соль і тавары, прызначаныя для вытворчасці дзіцячага, дашкольнага і школьнага харчавання, біялагічна актыўных дабавак да ежы, лекавых прэпаратаў, у тым ліку гомеапатычных, вітамінаў, мінералаў, вітамінна-мінеральных комплексаў, медыцынскіх вырабаў.
Цяпер пры ўвозе тавараў для вытворчасці дзіцячага, дашкольнага і школьнага харчавання трэба будзе пацвердзіць іх мэтавае прызначэнне.
Антысанкцыі ўводзіліся з 1 студзеня на паўгода, але, падобна, нешта пайшло не так.
Разам з тым у спіс санкцыйных краін трапілі Княства Ліхтэнштэйн і Сербія. Раней там апынуліся ЕС, ЗША, Канада, Нарвегія, Албанія, Ісландыя, Паўночная Македонія, Вялікабрытанія, Чарнагорыя і Швейцарыя.
