Беларусь — сярод краін-лідараў па ўведзеных у дачыненні Расіі абмежаваннях

Міністэрства эканамічнага развіцця Расіі абнародавала дадзеныя пра абмежаванні, уведзеныя ў дачыненні РФ краінамі свету. Беларусь апынулася сярод лідараў. На першым месцы — ЕС (ім уведзена 25 абмежавальных мер), далей — Украіна (22), Індыя (16) і Беларусь (13). Расійскія спецыялісты падлічылі, што найбольшыя страты ад абмежаванняў нанесеныя Еўрасаюзам — 2,4 млрд долараў, ЗША — $1,1 млрд. Беларусь з 42 мільёнамі долараў займае 10-е месца.